Запрашаем прыняць удзел у рэспубліканскім творчым праекце, прысвечаным 80-гадоваму юбілею вядомага дзіцячага пісьменніка Уладзіміра Ліпскага
Дзяржаўная ўстанова «Цэнтралізаваная сістэма дзіцячых бібліятэк» г. Мінска,
а таксама рэдакцыя часопіса «Вясёлка» аб’яўляюць рэспубліканскі творчы праект,
прысвечаны 80-гадоваму юбілею вядомага дзіцячага пісьменніка Уладзіміра Ліпскага.
Мэты і задачы яго — далучыць дзяцей да чытання праз творчасць аднаго з
самых запатрабаваных сучасных аўтараў, нязменнага галоўнага рэдактара часопіса «Вясёлка»
на працягу сарака гадоў, аўтара звыш 70 кніг для дзяцей і дарослых.
Акцыя праводзіцца з 25 лютага і да 31 мая бягучага года. Удзельнікамі яе
могуць стаць бібліятэкі, якія абслугоўваюць дзяцей, дзіцячыя грамадскія арганізацыі
і творчыя аб’яднанні, дзеці дашкольнага і малодшага школьнага ўзросту. Яны на
сваіх пляцоўках павінны арганізаваць і правесці мерапрыемствы па творчасці
дзіцячага пісьменніка Уладзіміра Ліпскага, а пасля выслать творчую справаздачу з
малюнкамі і здымкамі на электронны адрас «Вясёлкі»: Vyaselka2011@yandex.ru
Пераможцы атрымаюць Дыпломы і падарункі. Магчыма таксама і выданне асобнай
кнігі з лепшымі працамі творчага праекту.
Для ацэнкі конкурснай працы створана журы з вядомых пісьменнікаў,
журналістаў, мастакоў, кіраўнікоў бібліятэк. Узначальвае журы сам шаноўны юбіляр Уладзімір Ліпскі.
Юбілейны вечар адбудзецца ў вялікай зале Нацыянальнай бібліятэкі Беларусі 6
мая 2020 г. у 17.00.
