Забяспечылі прырост тыражу раёнкі

У снежні рэдакцыяй газеты «Голас Любаншчыны» быў аб’яўлены конкурс сярод паштальёнаў Любанскага ЦПС. На працягу ўсяго месяца яны актыўна афармлялі падпіску на наша выданне. І вось падведзены вынікі.

Па інфармацыі, дадзенай цэхам паштовай сувязі, найбольшы прырост тыражу на замацаваных участках забяспечылі паштальёны АПС «Забалаць» Таццяна Жыляева, «Любань-2» Іна Міснік, мотапошты Таццяна Сушчэня. За плён яны ўзнагароджаны грашовымі падарункамі і Падзякамі.

Шчыра дзякуем пераможцам конкурсу і ўсяму калектыву Любанскага ЦПС за супрацоўніцтва з рэдакцыяй, спадзяёмся на яго і ў новым годзе. Жадаем працаўнікам моцнага здароўя, дабрабыту, шчасця, здзяйснення мар.

На здымку: (злева направа) паштальёны-пераможцы Іна Міснік і Таццяна Сушчэня. Участак Іны Сямёнаўныў горадзе (вул. Леніна, часткова Савецкая, Інтэрнацыянальная і г.д.), а Таццяна Андрэеўна абслугоўвае жыхароў маланаселеных вёсачак Асавецкага сельсавета, некалькіх Сароцкага і Соснаўскага.