Вялікая гаспадарка вядзецца спакон веку
– Абое мы выраслі ў вёсцы, сялянскую працу зведалі ў дзяцінстве. Цяпер ніхто
з нас не цураецца работы і не дзеліць дзе чыя справа. Калі патрэбна, Генадзь і
кароў падоіць, і коз, хаця ў яго заўсёды хапае чым заняцца, – падзялілася
Святлана Аркадзьеўна.
Вядома, каб
дагледзець такую вялікую гаспадарку, патрэбна шмат часу, але на гэтым не ўсё. Генадзь
і Святлана выгадавалі і, можна сказаць, паставілі на ногі траіх цяпер ужо
дарослых дзяцей, дарэчы, малодшы сын служыць у арміі. Зараз гадуюць дачушку
Лізаветку: сёлета яна заканчвае другі клас Камунараўскага ВПК ДС – СШ імя Я.
Купалы. – Дзяўчынка пакуль яшчэ
невялікая памочніца, але тое-сёе ёй даручыць ужо можна. Вось старэйшыя дзеці,
калі прыязджаюць, то добра дапамагаюць. Тады напаўняецца жытло бацькоў галасамі
малалетніх унукаў: у Святланы Аркадзьеўны і Генадзя Яўгенавіча іх трое – дзве
ўнучкі і ўнук – вялікая радасць і пацеха для дружнай сям’і.
Аднак ні
Святлана, ні Генадзь не могуць выдзеліць шмат часу на забавы з унукамі, таму
што шмат часу яны аддаюць рабоце ў “БВА”: Генадзь Яўгенавіч –.ветфельчар у ААТ,
Святлана Аркадзьеўна – лабарант малочнатаварнай фермы в. Нежын.
Свет сям’і Генадзя Шаўцова і Святланы
Носікавай – адзінае цэлае, дзе ўсё ўзаемазлучана, і ўсяму сваё месца і час.
Відаць, не проста так ластаўкі аблюбавалі падстрэшак іх дома і змайстравалі там
больш за дзясятак гнёздаў, дзе ўжо вывеліся і гадуюцца жаўтаротыя птушаняты. Як
вядома, ластаўка – сімвал вясны, дабра, шчасця, надзеі, адраджэння, хатняга
цяпла і ўзыходу сонца.
Алена РАДКЕВІЧ.
Фота аўтара.
