Валанцёры акажуць дапамогу маламабільным грамадзянам

На працягу датэрміновага галасавання і ў асноўны дзень выбараў дэпутатаў Палаты прадстаўнікоў Нацыянальнага сходу Рэспублікі Беларусь юнакі і дзяўчаты, якія прымаюць актыўны ўдзел у валанцёрскім руху «Добрае сэрца», будуць аказваць магчымую дапамогу маламабільным выбаршчыкам. Напярэдадні палітычнай падзеі для маладых людзей, што будуць задзейнічаны ў гэтай справе, праведзены абласны семінар-трэнінг.

Пабывалі на ім і прадстаўнікі Любанскага раёна Вольга Багдашыц і Глеб Хлыстоў. Па іх словах, валанёрам была даведзена грунтоўная інфармацыя пра тое, якая дапамога можа спатрэбіцца інвалідам па зроку, людзям з парушэннямі слыху, інвалідам-калясачнікам, састарэлым грамадзянам і інш. Удзельнікі семінару значна папоўнілі свае веды па бяспечным суправаджэнні такой катэгорыі насельніцтва. Таксама яны змаглі падзяліцца вопытам, абмяняцца думкамі.