Вакцынацыю ад грыпу прайшло 40% насельніцтва Любаншчыны

На Любаншчыне па стане на раніцу 12 лістапада прышчэпкі ад грыпу атрымалі 12 165 грамадзян, альбо 40 працэнтаў ад агульнай колькасці насельніцтва.

Пра гэта паведаміла памочнік урача-эпідэміёлага раённага цэнтра гігіены і эпідэміялогіі Вікторыя Калодзіч. Такім чынам план па вакцынацыі выкананы.

Разам з тым кампанія ячшэ не спыняецца. Працягваецца імунізацыя ад грыпу асобных катэгорый грамадзян за кошт рэспубліканскага бюджэту: дзяцей і дарослых з хранічнымі захворваннямі, дзяцей ва ўзросце ад шасці месяцаў да 3 гадоў, асоб, якім больш за 60 гадоў. Акрамя таго, па-ранейшаму могуць атрымаць прышчэпкі прадстаўнікі працоўных калектываў за кошт прадпрыемстваў, арганізацый і ўстаноў.