Урокі мужнасці з нагоды Дня абаронцаў Айчыны праведзены ў першай гарадской і Сароцкай адзінаццацігодках

Благачынны Любанскай царкоўнай акругі, настаяцель храма Праабражэння Гасподня протаіерэй Аляксандр Драгун сумесна з прадстаўнікамі камандавання вайсковай часці 42715 наведаліся ў гэтыя ўстановы адукацыі, каб пагутарыць з падлеткамі. Шаноўныя госці распавялі ім пра адвагу, гераізм нашых дзядоў і прадзедаў, якія вытрымалі фашысцкую навалу і вызвалілі Бацькаўшчыну ад карычневай чумы. Таксама айцец Аляксандр расказаў пра вялікую сілу малітвы, якая дапамагала выстаяць людзям у самыя цяжкія моманты жыцця, у тым ліку і ў перыяд войн. І заклікаў рабят жыць з верай у сэрцы і наведваць храм, дзе можна папрасіць ва Усявышняга ці святых наставіць на шлях праўдзівы, зрабіць правільны выбар, абараніць, зберагчы.

А пасля размовы юнакам была дадзена магчымасць патрымаць у руках розныя віды ўзбраення з музея вайсковай часці, каб адчулі сябе будучымі абаронцамі Айчыны.