У сераду адзначаўся Пакроў Прасвятой Багародзіцы: па традыцыі ў гэты дзень ва ўсіх цэрквах Любанскага благачыння адбыліся богаслужэнні

У храме Праабражэння Гасподня ў г. Любані яго ўзначаліў настаяцель іерэй Аляксандр Драгун. Ён адслужыў боскую літургію, а потым здзейсніў малебен, падчас якога уславіў свята Пакрова Прасвятой Багародзіцы.

Па заканчэнні айцец Аляксандр распавёў прыхаджанам пра яго гісторыю. А бярэ яна пачатак у 10 стагоддзі, калі ў царкве Канстанцiнопаля святы Андрэй юродзiвы, падняўшы вочы да неба, убачыў Прачыстую Дзеву ў акружэнні анёлаў i святых. Яна доўга малiлася за хрысцiян, а потым зняла са Сваёй галавы покрыва i распасцёрла яго над людзьмi, што былi ў храме, абараняючы ад ворагаў бачных i нябачных.