У новым годзе першае немаўля ў Любанскім раёне нарадзілася раніцай 5 студзеня

Прыемную статыстыку 2021-га распачаў Іван Шаплыка.

У сям’і Ганны Аляксандраўны і Іллі Дзмітрыевіча з Любані гэта ўжо другое дзіця. У іх падрастае трохгадовая дачушка Васіліса. І вось радасць – сынок Ванюша.

Першынца года і яго шчаслівую матулю па традыцыі павіншавалі прадстаўнікі раённай арганізацыі ГА “Беларускі саюз жанчын”, аддзела загс. Пажадалі малышу моцнага здароўя і светлага лёсу, а жанчыне сіл, радасці і дабрабыту.