У Любанскім раёне на раніцу 14 жніўня засталося ўбраць 9 працэнтаў хлебных ніў
У Любанскім раёне на раніцу 14 жніўня засталося ўбраць 9 працэнтаў хлебных ніў
З заданнем па ўборцы зерневых і
зернебабовых (без грэчкі і проса) аграрыі Любанскага раёна справіліся на 91%,
паведамілі ва ўпраўленні па сельскай гаспадарцы і харчаванні.
З-за складаных
умоў надвор’я 13 жніўня камбайны працавалі толькі ў трох гаспадарках: ААТ «Забалацкі»,
«Урэцкі» і с/ф «Гарадзяцічы».
Агульны намалот па раёне складае 63 754 тоны, што на 11 493 т больш, чым годам раней. Пры гэтым летась па стане на 14 жніўня было абмалочана 99 зерневых і зернебабовых культур.
Сёлета з аднаго гектара аграрыі Любаншчыны бяруць па 25 цэнтнераў збожжа. Найлепшы паказчык па ўраджайнасці склаўся ў ААТ «Рачэнь» – 35 ц/га.
Як мы ўжо паведамлялі, ААТ «Асавец-агра» першым у раёне завяршыла жніво і ўжо прыступіла да ўборкі грэчкі і проса. Першай атрымана 32 тоны, другога – 80 т.
