У Барысаве адбылася сустрэча ўдзельнікаў VI Усебеларускага народнага сходу ад Мінскай вобласці

Удзел у ёй прынялі і дэлегаты ад Любаншчыны. Адзін з іх – Аляксандр Дастанка, старшыня пярвічнай прафсаюзнай арганізацыі райспажыўтаварыства, дэпутат раённага Савета.

Ён падзяліўся сваімі ўражаннямі пра значнае грамадска-палітычнае мерапрыемства.

– Гэта была змястоўная дзелавая і адкрытая размова. Не толькі абмеркаваны праект сацыяльна-эканамічнага развіцця краіны на будучую пяцігодку, а і агучана шмат грунтоўных пытанняў, ініцыятыў, ідэй, якія паступілі ад жыхароў розных рэгіёнаў падчас работы дыялогавых пляцовак, грамадскіх прыёмных. Ад удзельнікаў сустрэчы прагучалі слушныя пажаданні і прапановы. Яны датычаць сферы адукацыі, аховы здароўя, інтэлектуальных магчымасцяў, аграэкатурызму, рэалізацыі інвестыцыйных праектаў і інш. А самае галоўнае, усе прысутныя сышліся на думцы, што важна  захаваць адзінства ў грамадстве, нашы каштоўнасці і традыцыі.