Трактарыст-машыніст адкрытага акцыянернага таварыства «Чырвоная Змена» ім. К.І. Шаплыка» Анатоль Лаўрыеня заняты на ўборцы «каралевы палёў»

9 сентября 2020

174

Ён вопытны механізататар, выдатна спраўляецца з усімі відамі сельскагаспадарчых работ. Вось і цяпер шчыруе з высокай аддачай і выпрацоўкай. На КВК-800, які даручаны ў эксплуатацыю зусім нядаўна, скошвае і здрабняе па 400-500 тон кукурузы, а ў асобныя дні і па 600.

Па словах галоўнага агранома Віталія Рашчэні, работу выконваюць якасна, без нараканняў і іншыя механізатары корманарыхтоўчага адтрада. Аператыўна дастаўляюць зялёную масу да месц закладкі Мікалай Лаўрыеня, Уладзімір Божка, Іван Серпітоўскі, Уладзімір Цераховіч. А трамбоўку ажыццяўляе на ТО-352 Мікалай Дзяшковіч. Усе яны добра ведаюць, што назапашванне кармоў – адзін з важных накірункаў сельгасвытворчасці. Ад іх колькасці і якасці залежаць надоі малака і прывагі грамадскага статка жывёлы ў стойлавы перыяд. Таму актыўна займаюцца стварэннем трывалай кармавой базы.

Гэты працэс у «Чырвонай Змене», можна сказаць, не спыняецца з вясны. Убрана некалькі ўкосаў траў і назапашана звыш 23 цэнтнераў кормаадзінак на ўмоўную галаву жывёлы (крыху больш сярэднераённага паказчыка). Зараз нарыхтоўваецца зялёная маса з кукурузы. Калі ўлічваць, што ў ААТ занята «каралевай палёў» 1 600 га, то можна меркаваць, запас кармоў за кошт яе будзе значна папоўнены. Ужо закладзена каля 5 000 тон сіласу.