Свята ў вёсцы Зялёнкі: не шкадавалі цёплых слоў і падарункаў

У мінулую суботу своеасаблівую эстафету святкавання прынялі жыхары вёскі Зялёнкі Асавецкага сельсавета. Адклаўшы свае справы, на пляцоўку ля магазіна, дзе былі арганізаваны імправізаваная сцэна і глядацкая зала, спяшаліся прадстаўнікі розных пакаленняў, бо ўжо па традыцыі на такіх мерапрыемствах ушаноўваюць не толькі лепшых работнікаў, што маюць падворкі ў населеным пункце, а і юбіляраў, шматдзетных бацькоў, доўгажыхароў і самых маленькіх насельнікаў.

Як толькі зайграла музыка, да месца асноўных падзей пабеглі ручайкі вяскоўцаў, для якіх свята стала яшчэ і цудоўнай нагодай не толькі пабавіць цікава час, а і сустэцца з землякамі, што хоць і не жывуць зараз у Зялёнках, але пра малую радзіму не забываюць, ды проста перакінуцца словам з суседзямі і знаёмымі.

Завітаў на свята і старшыня Любанскага раённага Савета дэпутатаў Андрэй Драбудзька, у якога хапіла цёплых слоў у адрас жыхароў населенага пункта. А яшчэ Андрэй Віктаравіч звярнуўся да вяскоўцаў з просьбай і пажаданнямі быць сапраўднымі гаспадарамі на сваёй зямлі, не заставацца абыякавамі да праблем, што часам узнікаюць у любой вёсцы, а дапамагаць па меры магчымасцяў у іх вырашэнні. Тады любы край будзе квітнець.

Пра спраўных майстроў, што праславілі Зялёнкі не толькі ў раёне, а і за яго межамі прысутным распавяла вядучая мерапрыемства дырэктар Асавецкага сельскага Дома культуры Лілія Ахрыменя. Лілія Іванаў падрыхтавала і невялічкую гістарычную даведку, з якой стала вядома, - амаль пяцьдзясят гадоў таму населены пункт мог пахваліцца 121 дваром і 479 жыхарама. Цяпер жа ў вёсцы засталося ўсяго 141 насельнік, аднакі і сярод іх хапае добрых і працавітых людзей.

Адзначыць такіх з іх, што заняты ў мясцовай гаспадарцы, запарасілі прафсаюзнага лідара ААТ «Асавец-агра» Веру Бегунец. Яна ж не толькі ўручыла падарункі прысутным ад гаспадаркі, а і павіншавала жыхароў песнямі ў сваім выкананні.

Не засталіся без увагі і лепшыя працаўнікі санаторыя «Рассвет-Любань», галоўны эканаміст якога Кацярына Мажайка ўручыла ім прэзенты.

Кажуць, што калі ў вёсцы ёсць магазін, то яна жыве. Таму не дзіўна, што мясцовае кіраўніцтва высока цэніць работу гандлёвай кропкі, асабліва калі яе работнікі не проста выконваюць свае абавязкі, а стараюцца улічваць густы кожнага пакупніка. Старшыня Асавецкага райвыканкама Віктар Арціменя выказаў словы падзякі былой загадчыцы мясцовага магазіна Тамары Шэшка, якая аддала справе, можна сказаць, усё жыццё, і яе пераемніцы Жанне Санкевіч, а таксама павіншаваў з нагоды свята Зялёнак іх жыхароў.

Мноства шчырых пажаданняў прагучала і ў адрас шмадзетных бацькоў і іх кравіначак, самага старэйшага і малодшага з насельнікаў вёскі.

На працягу ўсяго свята свае песні гледачам дарылі самадзейныя артысты. Для дзяцей былі арганізаваны цікавыя конкурсы і нават бойка падушкамі. Умельцы з любані пранавалі вяскоўцам набыць свае вырабы, або паўдзельнічаць у бяспроігрышнай латарэі і ўсе жадалі адзін аднаму міра, дабрабыту, добрага настрою і здароўя.