Сустрэча з начальнікам галоўнага ўпраўлення адукацыі Мінаблвыканкама Мікалаем Башко адбылася ў Гімназіі №1 г. Любані

Падчас размовы з педагогамі ўстановы кіраўнік закрануў шэраг актуальных пытанняў арганізацыі адукацыйнага працэсу. Асаблівую ўвагу звярнуў на стварэнне спрыяльных для здароўя дзяцей умоў навучання, выхавання, фарміраванне навыкаў бяспечнай жыццядзейнасці, каб дзяўчынкі і хлопчыкі змалку ведалі, як паводзіць сябе  каля вадаёмаў, рэк, на дарозе і г.д.

Яшчэ адной тэмай для абмеркавання стала грамадзянска-патрыятычнае выхаванне падрастаючага пакалення. Мікалай Мікалаевіч зазначыў, што любоў да Айчыны  так ці інакш умацоўвае пачуццё адказнасці за яе незалежнасць, годнасць, захаванне матэрыяльных і духоўных каштоўнасцей. І доўг педагогаў – не толькі перадаць вучням веды па гісторыі Бацькаўшчыны, малой радзімы, а і прывіць павагу да яе, да слаўнага мінулага, далучыць да  традыцый беларускага народа.

У завяршэнні сустрэчы М.М. Башко даў кампетэнтныя адказы на зададзеныя прысутнымі пытанні. А пасля правёў запланаваны прыём грамадзян.