Старыя дамы – пад знос
Старыя дамы – пад знос
Адным з накірункаў дзейнасці па добраўпарадкаванні
з’яўляецца знос старых дамоў, гаспадарчых збудаванняў, якія не выкарыстоўваюцца
па назначэнні, псуюць выгляд населеных пунктаў і, уласна кажучы, даўно ўжо
нікому не патрэбны.
Па словах старшыні раённага Савета дэпутатаў Андрэя Драбудзькі, работа ў гэтым напрамку вядзецца ва ўсіх сельсаветах Любаншчыны, толькі дзесьці больш актыўна, дзесьці менш. Так, напрыклад, на тэрыторыі Камунараўскага знесена восем дамоў, як і было запланавана на бягучы год. Ва Урэцкім сельсавеце прыбрана іх чатыры з пяці патрэбных, у Соснаўскім – пяць з сямі, у Рачэнскім – шэсць з васьмі. У цэлым жа ажыццёўлены знос 35 старых хат. Да канца года гэта лічба павінна быць 60.
Дапамогу ў такой справе сельвыканкамам аказваюць гаспадаркі, а таксама некаторыя арганізацыі. У прыватнасці, значны аб’ём работ выканалі працаўнікі ААТ “БВА”, “Асавец-агра”,прадпрыемства меліярацыйных сістэм, Любанскага філіяла ДП “Мінаблпаліва” і інш.
