Спаборніцтвы па веславанні прайшлі ў Заслаўлі

Сёння завяршыліся спаборніцтвы па веславанні на байдарках і каноэ, што на працягу некалькіх дзён праводзіліся на базе  рэспубліканскага цэнтра алімпійскай падрыхтоўкі па вяслярных відах спорту ў Заслаўлі. 350 удзельнікаў з розных краін змагаліся за ўзнагароды. Іх заўзята падтрымлівалі балельшчыкі. І не толькі нашы суайчыннікі. Штодзень на трыбунах было шмат замежных гасцей – расіян, украінцаў, нарвежцаў і г.д., – якія гучна апладзіравалі і скандзіравалі. Пабывалі на турнірах на вяслярным канале і любанчане і зазначылі, што атрымалі сапраўднае задавальненне.