Папоўнілі рады маладзёжнай арганізацыі 11 вучняў трэцяй гарадской школы

Напярэдадні Дня Канстытуцыі шэраг юнакоў і дзяўчат Любаншчыны папоўнілі рады грамадскага аб’яднання «Беларускі рэспубліканскі саюз моладзі». Актыўныя, ініцыятыўныя, мэтанакіраваныя старшакласнікі выказалі жаданне ўступіць у гэту арганізацыю, каб рэалізоўваць свае здольнасці і ідэі, удзельнічаць у рознага кшталту мерапрыемствах і конкурсах.

У прыватнасці, у СШ №3 г. Любані членскія білеты ва ўрачыстай абстаноўцы атрымалі адзінаццаць вучняў. Некаторыя з іх ужо паспелі прадэманстраваць сваю актыўную грамадскую пазіцыю, за што і былі ўзнагароджаны дыпламамі і падарункамі ад раённага камітэта ГА «БРСМ». У іх ліку Данііл Мухін, Аляксей Стасюк, Дар’я Дольнікава, Дар’я Салаўёва, Аліна Бубіч, Алеся Луцкевіч. Рабяты прызналіся, што для іх гэта хвалюючы момант, і яны абавязкова стануць годнымі прадаўжальнікамі слаўных спраў, традыцый, дасягненняў сваіх старэйшых таварышаў і былых камсамольцаў.