Па традыцыі караваі, што ўпрыгожвалі выставу абласнога свята «Дажынкі», вярнуліся ў свае рэгіёны і былі дастаўлены ў сацыяльныя ўстановы

Пачастунак ад любанскіх рупліўцаў хлебнай нівы перададзены ў Соснаўскую бальніцу сястрынскага догляду. Каравай ад начальніка аддзела ідэалагічнай работы, культуры і па справах моладзі райвыканкама Таццяны Аляксеевай прыняла медыцынская сястра старшая Людміла Скрыпская і падзякавала за клопат пра састарэлых і нямоглых людзей. Іх, канешне, такая ўвага расчуліла. Яны пасля з задавальненнем пілі гарбату са смачным пірагом.