Навучэнцы Любанскага сельскагаспадарчага прафесіянальнага ліцэя Надзеі Шумскай прысуджана прафсаюзная стыпендыя

Віктар Мікалаевіч шчыра павіншаваў Надзею, пажадаў далейшых поспехаў у атрыманні ведаў і навыкаў па абранай спецыяльнасці. Таксама зазначыў, што ў адпаведнасці з Пастановай Прэзідыума Мінскай абласной арганізацыі прафсаюза работнікаў АПК такая стыпендыя ўжо на працягу многіх гадоў прызначаецца лепшым навучэнцам нашага ліцэя. Кожны новы семестр райкамам сумесна з прафкамам і адміністрацыяй установы адукацыі вызначаецца той, хто дастойны матэрыяльнага заахвочвання. Галоўнымі ўмовамі пры гэтым для рабят з'яўляюцца паспяховая вучоба, прыкладныя паводзіны, а таксама актыўны ўдзел у грамадскім жыцці навучальнай установы.

Па выніках папярэдняга семестра лепшых вынікаў якраз-такі дасягнула Надзея Шумская, якая з’яўляецца навучэнкай трэцяга курса 402 групы па спецыяльнасці «Вытворчасць прадукцыі раслінаводства. Грамадскае харчаванне». За час вучобы, як распавялі ў ліцэі, дзяўчына зарэкамендавала сябе толькі са станоўчага боку – добрасумленная, адказная, старанная, праяўляе зацікаўленасць да розных заняткаў, ахвотна ўдзельнічае ў мерапрыемствах, што ладзяцца ва ўстанове, спраўна выконвае ўсе даручэнні.

Але найбольш часу дзяўчына ўдзяляе вывучэнню агульнаадукацыйных прадметаў і прафесійнага кампаненту, шмат чытае дадатковай літаратуры. Як мэтанакіраваны і матываваны чалавек, разумее: калі хочаш ісці далей, чагосьці дасягнуць, трэба пастаянна працаваць над сабой. Да слова, пасля заканчэння ліцэя Надзея плануе прадоўжыць вучобу на больш высокім узроўні.

Няхай усё ў яе атрымаецца, а прафсаюзная стыпендыя за ініцыятыўнасць і актыўнасць стане стымулам для дасягнення яшчэ больш важкіх вынікаў і новых перамог.