На тэрыторыі Любанскага раёна 70 вадзіцеляў паплаціліся за тое, што не ўключылі бліжняе святло фар
На тэрыторыі Любанскага раёна 70 вадзіцеляў паплаціліся за тое, што не ўключылі бліжняе святло фар
Многія вадзіцелі (напэўна, па
звычцы) яшчэ 6 верасня днём рухаліся з уключаным бліжнім святлом фар.
Тым часам
акцыя «Увага – дзеці!», падчас якой трэба было выконваць дадзенае патрабаванне,
завяршылася 5 верасня. Нагадаем, яе старт быў дадзены 25 жніўня.
Як паведамілі ў аддзяленні ДАІ Любанскага РАУС, у перыяд правядзення акцыі за тое, што не ўключылі бліжняе святло фар, паплаціліся штрафам 70 вадзіцеляў. Яшчэ 7 грамадзян прыцягнуты да адказнасці за парушэнне правіл перавозкі дзяцей.
Акрамя таго, з 25 жніўня па 5 верасня на тэрыторыі Любанскага раёна супрацоўнікі ДАІ выявілі 3 факты кіравання транспартным сродкам у стане алкагольнага ап’янення. Панясуць адказнасць і 7 грамадзян, якія знаходзіліся за рулём, хаця не мелі вадзіцельскіх правоў.
Тым часам з 6 па 9 верасня на тэрыторыі Любанскага раёна праводзіцца прафілактычная акцыя «Цвярозы вадзіцель».
