На Любаншчыне знізіўся ўзровень захворвання на ВРВІ

На Любаншчыне назіраецца рэзкі спад захворвання на вострыя рэспіраторныя вірусныя інфекцыі. Так, у перыяд з 6 па 12 сакавіка ўключна адпаведны дыягназ медыкі паставілі 165 наведвальнікам устаноў аховы здароўя, што на 110 менш, чым тыднем раней. Пра гэта «ГЛ» паведаміла ўрач-эпідэміёлаг (загадчык аддзела эпідэміялогіі) Любанскага раённага цэнтра гігіены і эпідэміялогіі Наталля Лапанік.

У пятніцу 13 сакавіка дыягназ «ВРВІ» быў пастаўлены васьмі жыхарам раёна. Для параўнання, у папярэднюю пятніцу – 31. У структуры захварэўшых практычна пароўну дарослых і дзяцей, аднак апошніх усё ж крыху больш. Тыднем раней карціна была іншай: дзве трэці захварэўшых складалі дарослыя і адну трэць – дзеці.