Любанская ЖКГ апрацоўвае пад’езды з выкарыстаннем антысэптыка
Любанская ЖКГ апрацоўвае пад’езды з выкарыстаннем антысэптыка
З улікам эпідэміялагічнай сітуацыі арганізуе работу
жыллёва-камунальная гаспадарка.
Як паведаміў майстар па тэхнічным абслугоўванні
канструкцыйных элементаў будынкаў і збудаванняў Любанскай ЖКГ Дзяніс Мянкоў, па
рэкамендацыі абласнога аб’яднання наладжана апрацоўка пад’ездаў з прымяненнем
дызінфіцыруючых сродкаў у шматкватэрных дамах, якія знаходзяцца на балансе прадпрыемства,
у райцэнтры і сельскай мясцовасці.
Задзейнічана
дзевяць прыбіральшчыкаў памяшканняў: сем – у горадзе, па адным – у Сарачах і
Атрадным. Штодзень яны, па словах спецыяліста, праціраюць антысептыкам парэнчы лесвічных маршаў, уваходныя дзверы, ручкі,
дамафонныя кнопкі. А адзін раз у тыдзень працаўнікі пры дапамозе спецыяльнага
абсталявання праводзяць апрацоўку аэразольным метадам. Часам жыхары
шматпавярховак могуць адчуваць, заходзячы ў пад’езд дома, непрыемны пах. Але
гэта неабходная мера прафілактыкі.
