Каля 170 удзельнікаў з Беларусі, Казахстана, Латвіі, Літвы і Эстоніі сабраў міждзяржаўны турнір па барацьбе вольнай сярод спартсменаў 2005-2007 г.н.

Спаборніцтвы ладзіліся 14-15 лютага ў Гродна. Права выступіць на іх атрымалі і чатыры спартсмены-навучэнцы дзіцяча-юнацкай спартыўнай школы Любанскага раёна.

Па выніках праведзеных схватак два з іх – Павел Марціновіч і Іван Касцюкавец – замкнулі пяцёркі мацнейшых. Яшчэ адзін любанчанін здолеў прабіцца на пьедэстал гонару – Шахмар Абдулаеў заняў другое месца. Дададзім, рабяты займаюцца ў трэнера Яўгена Мафіені.