Футбольная каманда Любанскага раёна працягвае саступаць на выездзе

На чэмпіянаце Мінскай вобласці па футболе чарговая выязная гульня для любанчан вылілася ў паражэнне.

26 ліпеня ў межах пятага тура ў Нясвіжы землякі супрацьстаялі мясцовым спартсменам. Паядынак завяршыўся з мінімальным лікам. Адзіны гол гаспадары сустрэчы забілі на 18-й мінуце. Дададзім, для «нашых» гэта быў трэці матч у гасцях. І ва ўсіх іх яны саступілі. Пры гэтым перамаглі ў двух хатніх.

Наступную сустрэчу любанчане правядуць на сваім полі. 1 жніўня, у суботу, на стадыёне горада Любані яны будуць прымаць гульцоў каманды «Будаўнік», якая выступае за Капыльскі раён. Паядынак пачнецца а 16-й гадзіне. Будзем спадзявацца, што чарада хатніх перамог любанчан не перапыніцца.