Дзяржаўтаінспектары працягваюць выяўляць «бяспраўнікаў» на дарогах Любаншчыны

Чатырох «бяспраўнікаў» затрымалі на мінулых выхадных на дарогах Любанскага раёна дзяржаўтаінспектары. Пра гэта «ГЛ» паведаміў начальнік аддзялення ДАІ Любанскага РАУС маёр міліцыі Аляксей Храбрыкаў.

Усе парушальнікі – тры вадзіцелі аўтамабіля і матацыкліст – трапілі ў поле зроку дарожнай міліцыі 4 красавіка. Тры з іх – у горадзе Любані, адзін – паблізу аграгарадка Асавец.

«Бяспраўнікі» прыцягнуты да адміністрацыйнай адказнасці ў выглядзе штрафу ў памеры пяці базавых велічынь, альбо 135 рублёў (частка 1 артыкула 18.19 КаАП Рэспублікі Беларусь).