Для старшынь, іх намеснікаў, сакратароў участковых камісій па выбарах Прэзідэнта Рэспублікі Беларусь, створаных на Любаншчыне, праведзены трэнінг

Як зазначыла на пачатку яго сакратар раённай камісіі Наталля Майсееня, большасць з прысутных ужо маюць вопыт удзелу ў палітычных кампаніях. Аднак замацаваць веды лішнім не будзе. Бо выбары гэта свайго роду экзамен, і правесці іх патрэбна адкрыта, сумленна, спакойна, строга ў адпаведнасці з дзеючым заканадаўствам.

Трэнінг быў арганізаваны ў фармаце дзелавой гульні ў тры этапы: датэрміновае галасаванне, у дзень выбараў (на ўчастку і па месцы знаходжання выбаршчыкаў), падлік галасоў і ўстанаўленне рэзультатаў. На імправізаваным участку былі змадэліраваны разнастайныя сітуацыі, з якімі могуць сутыкнуцца члены ўчастковых камісій, і дадзены адказы, як іх правільна вырашаць, не парушаючы правоў выбаршчыкаў і грунтуючыся на нарматыўных дакументах.

Узгадалі, што датэрміновае галасаванне пачынаецца за пяць дзён да выбараў і праходзіць з 10.00 да 14.00 і з 16.00 да 19.00. Пачынаецца са сходу камісіі, апламбіравання ўрны. Абмеркавалі ўдзельнікі трэнінгу і алгарытм дзейнасці ў дзень выбараў. Калі, напрыклад заяўка на галасаванне па месцы знаходжання выбаршчыка паступіць у 19.00, то давядзецца яму адмовіць, бо такія заяўкі прымаюцца толькі да 18 гадзін. Засяродзілі ўвагу і на недапушчэнні галасавання аднаго чалавека на двух участках, за іншую асобу і г.д. Не забыліся і пра паслядоўнасць падвядзення вынікаў.

Сітуацыі могуць узнікаць розныя, але самае галоўнае, каб усе члены ўчастковых камісій дакладна ведалі свае абавязкі і сумленна іх выконвалі, падсумавала Наталля Уладзіміраўна.