Дэпутаты аб дэлегатах Любанскага раёна, якія прымуць удзел у VI Усебеларускім народным сходзе

Сваім меркаваннем падзяліўся дэпутатат райсавета Алег Лапановіч.

Усё менш часу застаецца да важнай грамадска-палітычнай падзеі – VI Усебеларускага народнага сходу. І ўсе чакаюць яе з надзеяй, бо незалежна ад статусу, узросту і прафесіі будучыня краіны хвалюе кожнага з нас.

Як зазначыў Алег Лапановіч, дырэктар адкрытага акцыянернага таварыства «Чырвоная змена» імя К.І.Шаплыкі», дэпутат раённага Савета па Рэдкавіцкай выбарчай акрузе №23, на ўдзельнікаў форума ўскладзена вялікая адказнасць – ім неабходна вызначыць галоўныя накірункі далейшага развіцця нашай дзяржавы.

–Упэўнены, – падкрэсліў Алег Рыгоравіч, – дэлегаты, сярод якіх і нашы землякі, годныя прадстаўнікі Любаншчыны, неабыякавыя да лёсу Айчыны, прафесіяналы сваёй справы, гатовы канструктыўна вырашаць праблемы. І абавязкова прымуць верныя рашэнні, якія пасадзейнічаюць захаванню міру і стабільнасці ў рэспубліцы, развіццю прагрэса, стварэнню магчымасцей для самарэалізацыі кожнага грамадзяніна. Спадзяюся, што будуць закрануты і пытанні ўмацавання аграпрамысловага комплексу, павышэння камфортнасці жыцця на вёсцы. Каб у выніку зменшыць  адток спецыялістаў і павялічыць прыцягальнасць працы ў сельскай мясцовасці.