Дэпутат Палаты прадстаўнікоў Нацыянальнага сходу Рэспублікі Беларусь правяла шэраг прыёмаў грамадзян на Любаншчыне

Юлія Мурына актыўна працуе ў выбарчай акрузе, цікавіцца праблемамі і клопатамі насельніцтва, стараецца паспрыяць вырашэнню многіх пытанняў.

У апошнія тыдні яна правяла два прёмы грамадзян і плануе яшчэ адзін. Сярод тых, хто звярнуўся да народнай абранніцы, любанчанін, які жадае атрымаць статус удзельніка партызанскага руху і Вялікай Айчыннай вайны.

Яшчэ адзін жыхар горада завітаў з нараканнем на тое, што няўдала ўстаноўлены павільён на аўтобусным прыпынку каля райбальніцы (у накірунку з горада ў Касцюкі). І пажылым, нямоглым людзям даводзіцца далекавата ісці да ўстановы аховы здароўя.

Дэпутат жа, узгадніўшы інфармацыю з  намеснікам старшыні райвыканкама, адказала: «Месца для прыпынку грамадскага транспарту вызначана ў адпаведнасці з зацверджаным праектам».

Былі зададзены і іншыя пытанні. І ўсе яны разгледжаны.