Дапрацоўваюць насенне

Абодва працаўнікі вопытныя і вельмі адказныя, перадавікі мінулых гадоў у прафесіі ў сваёй сельгасарганізацыі. Летась Аляксей Генадзьевіч і Юрый Фёдаравіч займалі пачэснае месца сярод пераможцаў спаборніцтва за дасягненне найлепшых рэзультатаў ва ўборачнай кампаніі на Любаншчыне. У гэтым годзе, па словах спецыялістаў ААТ «Урэцкі», яны зноў не шкадуюць уласных сіл і часу, каб дабіцца  высокіх вытворчых паказчыкаў. Ужо зараз на агульным рахунку старанных аператараў больш за 160 тон дапрацаванага насення азімай свірэпіцы і рапсу, 158 т з якіх рэалізаваны дзяржаве. Наперадзе яшчэ вельмі шмат работы: хутка пачнецца масавая ўборка збожжа.