Cлуцка-Салігорскай епархіяй праведзены адкрыты завочны конкурс творчых работ «Герой Беларусі – Мітрапаліт Філарэт»

Да 85-годдзя з дня нараджэння Ганаровага Патрыяршага Экзарха нашай краіны Cлуцка-Салігорскай епархіяй праведзены адкрыты завочны конкурс творчых работ «Герой Беларусі – Мітрапаліт Філарэт». Мэта яго – садзейнічанне патрыятычнаму выхаванню падрастаючага пакалення, фарміраванне маральных каштоўнасцей праз вывучэнне жыццёвага шляха і духоўнай спадчыны такой значнай асобы праваслаўнай царквы.

Рабяты з раёнаў, якія знаходзяцца на тэрыторыі Cлуцка-Салігорскай епархіі, дасылалі свае творчыя распрацоўкі па розных намінацыях: «Сачыненне і эсэ», «Малюнкі», «Работы даследчага характара». У апошняй, дарэчы, першае месца прысуджана вучаніцы сярэдняй школы №1 горада Любані Ясеніі Літошка. Шчыра віншуем дзяўчыну з перамогай. Варта зазначыць, што яна ў Ясеніі далёка не першая. У капілцы асабістых дасягненняў таленавітай любанчанкі шмат дыпломаў і грамат.