Чарговая сустрэча была нешматлікай
Чарговая сустрэча была нешматлікай
Учора ў чарговы раз кіраўніцтва раёна на чале са старшынёй райвыканкама Валерыем Мельнікам,
пракурор Дзмітрый Дзяшук, начальнік РАУС Аляксандр Кулакоўскі запрасілі
любанчан да канструкцыйнага дыялогу. Аднак сустрэча ў РЦК ізноў была
нешматлікай.
Але размова атрымалася эмацыянальнай. Прысутныя
жыхары горада Любані выказвалі незадаволенасць наконт дзеянняў супрацоўнікаў
сілавых структур у сталіцы і іншых вялікіх гарадах. Цікавіліся, якой думкі прадстаўнікі раённай
улады прытрымліваюцца пра праводзімыя ў розных рэгіёнах забастоўкі.
У сваю
чаргу пракурор зазначыў – ніводнай заявы з боку нашых жыхароў на дзеянні
праваахоўных органаў за гэты час не пададзена. Кіраўнік раёна дадаў, што сітуацыя
на Любаншчыне кантралюемая. Раённая ўлада заўсёды гатова да грунтоўнага дыялогу
з насльніцтвам. І ўсе пытанні можна вырашыць спакойна. А наконт забастовак
Валерый Віктаравіч падкрэсліў, што яны адмоўна адбіваюцца на эканоміцы
прадпрыемстваў, арганізацый, а ў канчатковым выніку і на дабрабыце працаўнікоў.
