Чарговая перамога Паліны Нямальцавай
Чарговая перамога Паліны Нямальцавай
Адной
з чарговых перамог Паліны Нямальцавай, навучэнкі 10 класа дзяржаўнай установы
адукацыі «Сярэдняя школа №3 г. Любані імя Г.Л. Сячко» стаў Дыплом І ступені ў заключным этапе
рэспубліканскага конкурсу даследчых работ «Спадчына Беларусі».
Яго ўдзельніца, прадстаўніца нашага раёна, у чарговы раз дастойна прадставіла свае комплексныя даследаванні адметнасцей малой радзімы, якія адлюстраваны ў створаным макеце фальварка Смольгаў часу жыцця Уладзіслава Сыракомлі.
Навукова-даследчы
праект «Рэканструкцыя фальварка Смольгаў – месца нараджэння Уладзіслава Сыра-
комлі» – вынік вывучэння літаграфій Напалеона Орды, матэрыялаў Нацыянальнага
гістарычнага архіва Беларусі, перапіскі з нашчадкамі паэта.
Амаль на працягу года работа Паліны пад кіраўніцтвам Ірыны Уладзіміраўны Нямальцавай, дырэктара ўстановы адукацыі, паспяхова папулярызуе гісторыка-культурную спадчыну малой радзімы, любімай Любаншчыны.
Высока ацаніла праект і журы рэспубліканскага конкурсу. У намінацыі «Матэрыяльная культура» Паліна Нямальцава ўзнагароджана Дыпломам I ступені Міністэрства адукацыі Рэспублікі Беларусь.
Інфармацыя з сайта ўпраўлення па адукацыі, спорце і турызме Любанскага райвыканкама.
