Чарговае ўзнагароджанне адораных рабят адбылося ў рамках конкурсу (канферэнцыі) работ даследчага характару

 Звяртаючыся да рабят, якія сапраўды з’яўляюцца інтэлектуальнай надзеяй Любаншчыны, намеснік старшыні райвыканкама Тамара Дамашэвіч падзякавала ім за старанне, жаданне спасцігаць новае, пажадала далейшых поспехаў, каб іх перамогі сталі першымі прыступкамі на шляху вялікіх дасягненняў і адкрыццяў. Далучыліся да віншаванняў начальнік аддзела адукацыі, спорту і турызму Таццяна Каравацкая і старшыня раённай арганізацыі рэспубліканскага грамадскага аб’яднання «Белая Русь», намеснік начальніка аддзела ідэалагічнай работы, культуры і па справах моладзі Таццяна Аляксеева. Яны зычылі вучням школ і выхаванцам дзіцячых садоў, што вызначыліся на працягу бягучага навучальнага года, удачы, радасці, здароўя і, вядома ж, не губляць прагі да ведаў, мэтанакіраванасці, імкнення да пастаяннага самаўдасканалення. Цалкам магчыма, зазначыла Т.М. Аляксеева, што дзякуючы плённай працы, настойлівасці хтосьці з сённяшніх вучняў у будучым стане міністрам адукацыі, вядомым вучоным і г.д. Перад імі адкрыты ўсе дзверы.