Адзінаццацікласніца Асавецкай школы перамагла ў абласным конкурсе «Дзеці. Вада. Бяспека»

Падведзены вынікі абласнога агляду-конкурсу «Дзеці. Вада. Бяспека», арганізатарамі якога выступілі галоўнае ўпраўленне па адукацыі Мінаблвыканкама і Мінскі абласны савет Асвод.

Агляд-конкурс праводзіўся для прыцягнення ўвагі грамадскасці да праблем бяспекі на водах, прапаганды здаровага ладу жыцця, актывізацыі работы па папярэджанні няшчасных выпадкаў з людзьмі на водах.

Навучэнцы Міншчыны прадставілі на конкурс звыш двухсот творчых прац у чатырох намінацыях: «Мастацка-выяўленчая творчасць», «Фотатворчасць», «Крыжаванка, рэбус», «Відэатворчасць». У кожнай з іх вызначаны тройкі пераможцаў і прызёраў. У гэты спіс трапіла і прадстаўніца Любанскага раёна.