Адна гаспадарка Любаншчыны на раніцу 12 жніўня завяршыла жніво

12 августа 2019

163

Адна гаспадарка Любаншчыны на раніцу 12 жніўня завяршыла жніво

Зерневыя і зернебабовыя (без грэчкі і проса) ў Любанскім раёне па стане на раніцу 12 жніўня ўбраны з 24 658 гектараў, што складае 88% ад запланаваных плошчаў, паведамілі ва ўпраўленні па сельскай гаспадарцы і харчаванні райвыканкама.

Калектыў ААТ «Асавец-агра» першым у раёне завяршыў жніво. Ушчыльную наблізіліся да фінішнай рысы калектывы КСУП «Таліца-агра» і ААТ «Чырвоная Змена» імя К.І. Шаплыкі», дзе ўбрана 98% зерневых і зернебабовых.

Хлебны каравай на Любаншчыне пакуль важыць 61 810 тон. У сярэднім з аднаго гектара аграрыі бяруць 25 цэнтнераў зерня.

Дарэчы, на Міншчыне па стане на раніцу 12 жніўня ўбраны 81% запланаваных плошчаў, намалочана 1 413 200 тон збожжа. Сярэдняя ураджайнасць культур складае 34 цэнтнеры з гектара.

У ліку лідараў Міншчыны сярод вадзіцеляў на адвозцы зерня па-ранейшаму знаходзіцца руплівец ААТ «Забалацкі» Сяргей Літошка. Па стане на раніцу 12 жніўня ў абласным рэйтынгу ён займае другі радок.

На трактары Фэндт 1042 (прычэп Флігель) зямляк перавёз ад камбайнаў 3 591 тону збожжа.