Аддзяленне ДАІ Любанскага РАУС: Адказнасць панясуць тры ўдзельнікі дарожнага руху

У мінулыя пятніцу і выхадныя дзяржаўтаінспектары на дарогах нашага раёна выявілі аднаго нецвярозага вадзіцеля і двух «бяспраўнікаў».

Пра гэта «ГЛ» паведаміў начальнік аддзялення ДАІ Любанскага РАУС маёр міліцыі Аляксей Храбрыкаў.

У прыватнасці, 6 лістапада ў горадзе Любані па вуліцы Савецкай у поле зроку дарожнай міліцыі трапіў грамадзянін, які рухаўся на аўтамабілі «Фольксваген». Як пасля высветлілася, за руль ён дазволіў сабе сесці ў стане алкагольнага ап’янення.

Два факты кіравання легкавымі транспартнымі сродкамі грамадзянамі, якія не мелі вадзіцельскага пасведчання, спынены 8 лістапада. Прычым адзін з «бяспраўнікаў» дадзенае правапарушэнне здзейсніў паўторна на працягу года.