4 жніўня ратавальнікі Любанскага раёна ліквідавалі пажар, які здарыўся ў лазні
4 жніўня ратавальнікі Любанскага раёна ліквідавалі пажар, які здарыўся ў лазні
У мінулую нядзелю ў 15 гадзін
26 мінут у Любанскі РАНС паступіла паведамленне пра ўзгаранне лазні па вуліцы
Леніна ў вёсцы Жораўцы Рачэнскага сельскага савета.
Першая аўтацыстэрна прыбыла на
месца здарэння праз 15 мінут. Пажарныя ўстанавілі, што знутры лазні ідзе дым.
Узгаранне было ліквідавана ў 16 гадзін 13 мінут.
Агнём пашкоджана маёмасць парыльнага аддзялення, сайдынг на столі ў душавой і ў раздзявалцы.
Прычына пажару высвятляецца.
Варта дадаць, што лазня знаходзіцца на балансе ААТ «Забалацкі». Рэжым яе работы на перыяд уборачнай кампаніі: штодзень з 12.00 да 23.00.
Адзначым, з пачатку года на тэрыторыі Рачэнскага сельскага савета здарылася ўжо чатыры пажары.
Фота Любанскага РАНС.
