На Любанскім прадпрыемстве меліярацыйных сістэм адбылося пераабранне лідара пярвічкі

На пасаду старшыні пярвічнай прафсаюзнай арганізацыі была прапанавана кандыдатура Дар’і Чарнагор. Ураджэнка сталіцы, яна пасля заканчэння Беларускага дзяржаўнага эканамічнага ўніверсітэта пачала свой прафесіянальны шлях у ААТ “Мінбакалеягандаль”. А, змяніўшы месца жыхаства, некалькі месяцаў таму ўладкавалася ў Любанскае ПМС дыспетчарам. І з першых дзён Дар’я паказала сябе адказным, актыўным, ініцыятыўным работнікам, які станоўча праяўляе сябе ва ўзаемаадносінах з людзьмі, можа прымаць аператыўныя рашэнні. Таму яе і вылучылі ўзначаліць пярвічную прафсаюзную арганізацыю.

Дар’я Чарногор паабяцала не падвесці, апраўдаць давер калег – членаў пярвічкі і кіраўніцтва прадпрыемства. Ппавіншавалі з абраннем і пажадалі поспехаў новаму лідару старшыні раённага аб’яднання прафсаюзаў Вольга Радчэня і Любанскай арганізацыі прафсаюза работнікаў аграпрамысловага комплексу Таццяна Рубін. А таксама нагадалі: асноўная задача – гэта абарона правоў работнікаў.