У рамках рэспубліканскай акцыі ў Любанскім раённым цэнтры культуры пачаў працу маладзёжны кірмаш вакансій
– Штогод нямала старшакласнікаў устаноў адукацыі выказвае жаданне правесці летні час з карысцю, атрымаць першы прафесійны вопыт і зарабіць уласныя грошы. Канешне, мы заахвочваем такую ініцыятыву і аказваем садзейнічанне ў працаўладкаванні падлеткаў. Дзеля гэтага праводзіцца і маладзёжны кірмаш вакансій, – распавяла начальнік аддзела занятасці і працоўных адносін Кацярына Страмілава.
На працягу двух дзён навучэнцы ад 14 гадоў і старэйшыя могуць наведаць мерапрыемства, на якім прысутнічаюць спецыялісты ўпраўлення па працы, занятасці і сацыяльнай абароне, а таксама прадстаўнікі розных арганізацый і прадпрыемстваў Любаншчыны. Першыя растлумачваюць нюансы заканадаўства аб часовым працаўладкаванні непаўналетніх, даюць слушныя парады, расказваюць пра новы лічбавы сэрвіс “Крок у прафесію”. А ў другіх можна даведацца непасрэдна пра наяўныя месцы для летняй занятасці.
