Ганаровымі гасцямі першага ўрока для вучняў Рэдкавіцкай школы сталі ветэраны працы

Тэмай яго сталі словы вялікага песняра Янкі Купалы «Занімай, Беларусь маладая мая, свой пачэсны пасад між народамі».

Ганаровыя госці – Васілій Канстанцінавіч Курчэўскі, Мікалай Міхайлавіч Бухал, Вольга Рыгораўна і Мікалай Мікалаевіч Круглені – павіншавалі рабят з пачаткам навучальнага года, акцэнтавалі ўвагу на ролі малой радзімы ў жыцці кожнага чалавека, на тым, што падрастаючае пакаленне павінна працягваць слаўныя традыцыі землякоў і зрабіць усё магчымае, каб працвітаў наш Любанскі край.