Адбылася прэзентацыя зборніка вершаў «Натхненне малой радзімы» Анатоля Вялічкі
Прэзентацыя зборніка вершаў «Натхненне
малой радзімы» нашага земляка і краязнаўцы Анатоля Вялічкі адбылася другога
кастрычніка ў Любанскай раённай бібліятэцы.
Так званая літаратурная імпрэза ладзілася ў чытальнай зале ўстановы
культуры. Анатоль Іосіфавіч распавёў слухачам адкуль яго карані, узгадаў
жыццёвыя падзеі і разам з гэтым працоўныя будні. Віншаванні апантанаму
краязнаўцу адрасавалі ўкладальнікі зборніка – супрацоўнікі раённай бібліятэкі, а
таксама наведвальнікі аддзялення дзённага знаходжання для грамадзян пажылога
ўзросту і інвалідаў тэрытарыяльнага цэнтра сацыяльнага абслугоўвання
насельніцтва, рэдакцыі раённай газеты «Голас Любаншчыны» і проста аматараў
паэтычнай творчасці.
Падчас сустрэчы, якая, да слова, працягвалася амаль дзве гадзіны, Анатоль
Іосіфавіч чытаў на памяць уласныя вершы, згадваў класікаў роднай літаратуры, у
іх ліку і пісьменнікаў-землякоў, шчыра дзяліўся ведамі пра слынных людзей
Любанскага краю.
Фота аўтара.
