Погода:
Курсы валют:
Объявления
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
29 лютага 2020 года
Все сельсоветы
Главная  /  Новости  /  Власть
4 мая 2019 года, 12:01

Тальскія клопаты

 
Намеснік старшыні Мінскага абласнога выканаўчага камітэта Іван Маркевіч правёў прыём грамадзян у Тальскім сельскім Савеце. Мясцовыя жыхары звярнуліся да яго з надзеяй на вырашэнне надзённых пытанняў. І Іван Станіслававіч паабяцаў дапамагчы.

У прыватнасці, Валянціна Лазоўская і шэраг іншых вяскоўцаў паскардзіліся на перабоі ў забеспячэнні вадой, а таксама на дрэнную яе якасць. Дадзеная праблема існуе не першы год, з таго моманту, як быў абуладкаваны аграгарадок і пабудаваны некалькі вуліц. Дамы падключылі да школьнай вежы (так яе называюць у Талі), нагрузка значна павялічылася, а магутнасць яе не была разлічана на такую колькасць спажыўцоў. Калі яны забілі, што называецца, трывогу, вежу паспрабавалі нарасціць, а водаправодную сістэму ад яе закальцавалі з другой, якая знаходзіцца на балансе гаспадаркі. Аднак праблему такім чынам рашыць не ўдалося. З гэтага часу пагоршылася якасць вады. І па-ранейшаму ў летні час з ёй узнікаюць перабоі. Іван Станіслававіч зазначыў, што пытанне будзе ўзята на кантроль, мясцовая ўлада абавязкова прапрацуе яго і знойдзе выйсце.

Таццяна Мікуліч шукае праўды наконт выплаты аліментаў. Яе былы муж да нядаўняга часу рабіў у бабруйскай арганізацыі, але на працягу дзесяці месяцаў грошы адтуль не пераводзіліся. Адразу даць аргументаваны адказ заяўніцы, вядома, было немагчыма. Трэба высветліць усе нюансы, і перш за ўсё тое, ці рабіліся адлічэнні ў мужа. Дэталёва разбярэцца ў гэтым у самы бліжэйшы час начальнік Любанскага раённага аддзела Фонда сацыяльнай абароны насельніцтва Сяргей Піскун.

Маладая матуля Святлана Рашчэня ад імя ўсіх жыхароў Талі, у каго ёсць дзеткі, прасіла абуладкаваць у аграгарадку гульнёвую пляцоўку з горкамі, трынажорамі і г.д., дзе б маглі забаўляцца малышы і бавіць час большыя рабяты. І.С. Маркевіч згадзіўся, што ў такім населеным пункце (пражывае звыш 1000 чалавек) яна павінна быць. І заўважыў: сельвыканкам павінен у гэтым пасадзейнічаць.

Звярнуцца да намесніка старшыні Мінаблвыканкама Аксану Юхневіч прымусілі асабістыя абставіны. Шмат гадоў яна працуе ў “Таліцы-агра”. Але зараз жадае ўладкавацца на новае месца па той прычыне, што ў гаспадарцы зараз нізкая заработная плата. А ў жанчыны муж-інвалід і чацвёра дзяцей. Аднак кіраўніцтва КСУП пагражае выселіць сям’ю з дома, які выдзелены гаспадаркай у 2011 годзе. У сваю чаргу, Іван Станіслававіч запэўніў заяўніцу, што так з ёй абысціся не могуць: у нашай краіне прадпрымаюцца ўсе меры па сацыяльнай абароне шматдзетных сем’яў. А кіраўніку “Таліцы-агра” параена, калі ён хоча ўтрымаць добрых працаўнікоў, адпаведна забяспечыць ім дастойны памер заработнай платы.

Пасля прыёму І.С. Маркевіч сустрэўся з калектывам райбальніцы. Падчас размовы ён распавёў пра рэалізацыю сацыяльнай палітыкі на Міншчыне, на якія накірункі робіцца акцэнт. Пра тое, як развіваецца непасрэдна Любаншчына прысутным расказаў старшыня райвыканкама Сяргей Казецкі.

 

Архив сайта
29
2020
Февраль
Что, на ваш взгляд, сильнее всего угрожает вашему здоровью?
Декрет №7 Тема недели Декрет №3 Телефоны горячих линий Отдел образования Любанского РИК