Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  Власть
14 жніўня 2019 года, 08:36

Старшыня Любанскага райвыканкама сустрэўся з жыхарамі аграгарадка Асавец

 
Чарговая сустрэча кіраўніцтва раёна з вяскоўцамі ладзілася ў аграгарадку Асавец. Прайшла яна ў форме адкрытага і канструкцыйнага дыялогу.

Старшыня Любанскага райвыканкама Валерый Мельнік уважліва выслухаў усе пытанні, некаторыя з іх задаваліся вельмі эмацыянальна, бо, як кажуць, ужо набалелі. Але Валерый Віктаравіч здолеў супакоіць усіх, запэўніў, што сам-насам з праблемамі грамадзяне не застануцца.

Найбольш клопатаў, як высветлілася, у жыхароў вуліцы Маладзёжнай: нізкае напружанне, з-за чаго іншы раз нельга скарыстацца мікрахвалевай печчу, пральнай машынай і іншай бытавой тэхнікай; дрэнная дарога – асфальт пакладзены даўно і патрабуе рамонту; слабы напор вады. А ў насельнікаў двухпавярховага дома каля школы яе ўвогуле няма. В.В. Мельнік паабяцаў, што ў самы бліжэйшы час адказныя службы правядуць абследаванне, і на працягу месяца будуць прыняты меры для вырашэння агучаных пытанняў.


Жыхары Асаўца актыўна задавалі надзённыя пытанні.

Дадзена даручэнне кіраўнікам мясцовых гаспадаркі, лясніцтва і сельвыканкама без прамаруджвання арганізаваць работу па спілоўванні старых дрэў на грамадзянскіх могілках у Асаўцы. А вось да барацьбы з бадзячымі сабакамі ў населеным пункце неабходна падключыць не толькі ЖКГ, а і паляўнічых, параіў старшыня райвыканкама.

Шматдзетная матуля звярнулася з асабістай просьбай аб забеспячэнні жылым памяшканнем. Зараз маладая жанчына знаходзіцца ў водпуску па доглядзе дзіцяці да 3-х гадоў, а да таго працавала жывёлаводам у ААТ «Асавец-агра». Сям’я вымушана жыць з бацькамі. Наколькі хутка можна вырашыць жыллёвае пытанне, будзе вывучана і праз месяц дадзены адказ.

Была выказана незадаволенасць па арганізацыі збору ЦБА. На што дырэктар жыллёва-камунальнай гаспадаркі Алег Гарчанін зазначыў: «Зацверджаны графік, але здараюцца, што называецца, няштатныя сітуацыі, калі машына з-за няспраўнасці рухаецца па маршруце пазней ці ўвогуле на другі дзень. Будзем старацца пазбягаць гэтага. Дзесьці праз два месяцы набудзем яшчэ адзін смеццявоз, тады зможам наладзіць работу без збояў у графіку».

Прагучалі ад насельніцтва пажаданні аб устаноўцы банкамата ў аграгарадку, каб быў адрамантаваны ліхтар каля аўтобуснага прыпынку ў в. Пласток, каб часцей у населены пункт наведваўся ўчастковы інспектар міліцыі і інш. Гэта надзённыя пытанні, і ўсе яны, па словах Валерыя Мельніка, будуць грунтоўна прапрацаваны.

 

Наталья

Вилента


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий