Погода:
Курсы валют:
Объявления
Куплю-Продам
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29,
SMS-информирование

+375-29-194-77-56

Предложить новость
21 ліпеня 2019 года
Все сельсоветы
Главная  /  Новости  /  Власть
11 красавіка 2018 года, 12:57

Пацыенты аддзялення сястрынскага догляду Соснаўскай участковай бальніцы атрымалі велікодныя кулічы

 
Вялікдзень, бадай, самае галоўнае хрысціянскае свята, якое кранае ўсіх. Тым больш што велікодны перыяд з’яўляецца самым доўгім: з улікам Дня Узнясення Гасподня ён цягнецца 40 дзён. На працягу гэтага часу людзі працягваюць усхваляць Уваскрашэнне Збавіцеля, хрыстасавацца, віншаваць адзін аднаго з Вялікднем і наведваць святочныя службы ў храмах.

Але, на жаль, сярод нас ёсць і тыя, хто апынуўся ў складанай жыццёвай сітуацыі і самастойна не можа патрапіць у царкву, прыгатаваць ці набыць куліч, пафарбаваць яйкі. Да такіх адносіцца і большасць пацыентаў аддзялення сястрынскага догляду Соснаўскай участковай бальніцы. Не многім з іх даводзіцца разлічваць і на ўвагу з боку родных ці блізкіх. Таму ініцыятыва дэпутата Палаты прадстаўнікоў Нацыянальнага сходу Рэспублікі Беларусь Юліі Мурынай знайшла жывы водгук і сярод пенсіянераў, што знаходзяцца ў аддзяленні, і ў медыцынскага персаналу, што ажыццяўляе за імі догляд.

 Сёння, 11 красавіка, Юлія Георгіеўна разам з благачынным Любанскай царкоўнай акругі протаіерэем Аляксандрам Драгуном, прадстаўнікамі раённай улады і сацыяльнай службы наведалі аддзяленне сястрынскага догляду, каб павіншаваць з галоўным праваслаўным святам 36 яго пацыентаў. Зразумела, прыехалі не з пустымі рукамі. Усе падапечныя атрымалі асвячоныя традыцыйныя велікодныя куліч і яйкі, а таксама іконкі з выявамі святых. Прывітанне “Хрыстос Уваскрэсе!”, якое прагучала ў кожнай палаце, сустракалі са здзіўленнем, але радасна. Шчыра дзякавалі і за ўвагу, і за гасцінцы.

 За апошнія асобная падзяка прадпрымальніку з Любані, дырэктару прыватнага гандлёвага ўнітарнага прадпрыемства “Экомстрой” Сяргею Жаўрыду, які выдаткаваў сродкі на набыццё здобных вырабаў. Свой уклад унеслі і наведвальнікі аддзялення дзённага прабывання інвалідаў тэрытарыяльнага цэнтра сацыяльнага аблугоўвання насельніцтва Любанскага раёна, што прыгожа пафарбавалі яйкі.




 

Светлана

Кривальцевич


Архив сайта
21
2019
Июль
Что, на ваш взгляд, сильнее всего угрожает вашему здоровью?
2-е европейские игры Декрет №3 Тема недели Декрет №7 Телефоны горячих линий Отдел образования Любанского РИК