Спаборніцтвы на кубак Любанскага раёна па міні-футболе перанесены

Фінальная частка чэмпіянату Мінскай вобласці па футболе будзе праводзіцца згодна з графікам, аднак без прысутнасці гледачоў.

Пра гэта паведамілі ў галоўным упраўленні спорту і турызму Мінаблвыканкама.

Акрамя таго, да асаблівага распараджэння правядзенне рэспубліканскіх, абласных, раённых (гарадскіх) спартыўных і спартыўна-масавых мерапрыемстваў, а таксама падрыхтоўка да рэспубліканскіх і міжнародных спаборніцтваў пераносіцца на больш познія тэрміны, пра што будзе паведамлена дадаткова.

Такім чынам і спаборніцтвы на кубак Любанскага раёна па міні-футболе, якія былі запланаваны на 14 лістапада, перанесены.

З 13 лістапада ва ўсіх арганізацыях і ўстановах галіны фізічнай культуры і спорту сталічнага рэгіёна ў абавязковым парадку ўводзіцца масачны рэжым.

Дадзеныя рашэнні прыняты дзеля таго каб не дапусціць распаўсюджвання рэспіраторна-вірусных захворванняў, у тым ліку каронавіруснай інфекцыі.

Дарья

Рябцева

Версия для печати

К списку записей раздела>>