Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  Общество
26 красавіка 2018 года, 09:43

У мінулую суботу, 21 красавіка, адзначаўся Дзень памяці свяшчэннамучаніка Сергія Радакоўскага, епіскап Слуцкі і Салігорскі Антоній здзейсніў Божую літургію ў Свята-Троіцкім храме аграгарадка Таль

 
 У мінулую суботу, 21 красавіка, адзначаўся Дзень памяці свяшчэннамучаніка Сергія Радакоўскага. Напрыканцы 1917 г. ён узначаліў прыход у в. Таль, выконваў свае пастырскія абавязкі і да апошняй магчымасці імкнуўся захаваць жыццяздольнасць храма. Аднак плаціць падаткі станавілася ўсё больш складана. І нарэшце ў 1930 г. айца Сергія арыштавалі за няўплату і адправілі на прымусовыя работы па нарыхтоўцы лесу. Неўзабаве тальская царква была закрыта і разабрана, а Радакоўскага спасцігла доля многіх свяшчэннаслужыцеляў таго часу: за нібыта «антысавецкую агітацыю» яго прыгаварылі да вышэйшай меры пакарання – расстрэлу. Айцец Сергій прыняў пакутніцкую смерць за спавяданне веры ў Госпада.

 У 85-ю гадавіну з дня канчыны святога епіскап Слуцкі і Салігорскі Антоній здзейсніў Божую літургію ў Свята-Троіцкім храме аграгарадка Таль. Саслужылі Уладыку сакратар епархіяльнага ўпраўлення Мікалай Лабынько, благачынны Любанскай царкоўнай акругі протаіерэй Аляксандр Драгун, настаяцель прыхода мясцовага храма іерэй Ігар Кавальскі і клірыкі благачыння. Падчас службы быў адзначаны за сваю адданую працу ў імя Праваслаўнай царквы настаяцель храма свяціцеля Мікалая Цудатворца ў гарпасёлку Урэчча іерэй Яўгеній Пешкур.


 Пасля Божай літургіі адбыўся хрэсны ход. Потым архіерэй выступіў з павучальным словам да прыхажан, прыгадаў біяграфію Сяргея Радакоўскага і заклікаў усіх жыць з верай у сэрцы. Затым епіскап прыняў удзел у рэгіянальным свяце праваслаўнай культуры, якое ладзілася ў гонар святога мучаніка ў Тальскім СДК.


 

Наталья

Вилента


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий