Тур па ўстановах культуры Любаншчыны

Першы прыпынак на маршруце, які чакаў нашых гасцей, – Любанскі музей народнай славы. Дырэктар установы Наталля Сіняк правяла для прысутных экскурсію, агучыла цікавыя факты з мінулага нашага краю, адказала на пытанні. Затым «вандроўнікі» паспяшаліся да раённага Цэнтра культуры, дзе іх гасцінна сустрэў Сяргей Выскварка і правёў па выставах, якія ладзяцца зараз ва ўстанове.

Вялікае захапленне ў навукоўцаў выклікала Любанская дзіцячая школа народнага дэкаратыўна-прыкладнога мастацтва. Тут іх сустракалі па традыцыі хлебам-соллю, на адкрытым паветры арганізавалі сапраўдны «горад майстроў». А напрыканцы візіту ў «Лаўцы рамесніка» госці змаглі набыць для сябе сувеніры.

Пасля дэлегацыя рушыла ў дзіцячую школу мастацтваў, дзе яе дырэктар Васіль Стэльмах распавёў пра сваю ўстанову і навучанне тут, правёў экскурсію. Ну а завяршыўся яркі і насычаны падзеямі дзень паездкай у вёску Жораўку, дзе навукоўцы наведалі мясцовы знакаміты Дом народных традыцый.

Анастасия

Ревтович

Версия для печати

К списку записей раздела>>