Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  VI Всебелорусское народное собрание
27 студзеня 2021 года, 12:08

Работнікі санаторыя пагутарылі пра развіццё рэгіёну з намеснікам старшыні Любанскага райвыканкама

Сустрэча намесніка старшыні раённага выканаўчага камітэта па эканоміцы Мікалая Кудры з работнікамі санаторыя «Рассвет-Любань» пачалася з рамовы пра сацыяльна-эканамічнае развіццё рэгіёну.

Падсумоўваючы вынікі мінулага года, Мікалай Мікалаевіч зазначыў, што наш раён дынамічна развіваецца. Летась выкарыстана  каля 500 млн долараў інвестыцый. Ужо практычна дабудавана чыгунка. Пачынаецца ўзвядзенне горна-абагачальнай фабрыкі на «Слаўкаліі». Складскія памяшканні там ужо зроблены, шахтныя ствалы таксама. Зараз вядзецца адводка ад іх, і праз некаторы час пачнецца запуск абсталявання.

Ды і ўвогуле ў раёне не спыняюцца будаўнічыя работы. Узводзіцца жыллё, з’яўляюцца новыя аб’екты інфраструктуры. Летась у горадзе пачалі функцыянаваць два гандлёвыя цэнтры – па вуліцы Першамайскай (каля аўтавакзала) і па зав. Купалаўскім. Створана каля 180 новых працоўных месц. Рост вытворчасці адзначаецца ў сельскай гаспадарцы.

На бягучы год запланавана, па словах М.М. Кудры, будаўніцтва  дзіцячага садка ў мікрараёне каля райбальніцы, рэканструкцыя кацельні па вул. Сацыялістычнай для пераводу на мясцовыя віды паліва. Таксама ёсць усе перадумовы для вырашэння нарэшце набалелага для райцэнтра пытання па ачышчальных збудаваннях. Намечана ў бягучым годзе пачаць работы па абуладкаванні гэтага аб’екта.

Пры тым, як падкрэсліў намеснік кіраўніка раёна, маюцца і праблемы, многія з якіх звязаны з пандэміяй каронавіруса. Яна негатыўна паўплывала на эканамічнае становішча некаторых арганізацый, у тым ліку і санаторыя, дзе запаўняльнасць меншая, чым раней. «Аднак нельга адчайвацца, апускаць рукі, трэба працаваць, актыўней рэкламаваць паслугі санаторыя, каб зацікавіць адпачывальнікаў, і пакрысе сітуацыя выправіцца», – падбадзёрыў прысутных Мікалай Мікалаевіч.

Акрамя таго, ён выслухаў і ўдзельнікаў сустрэчы. Адзначыў: «Цікава ведаць, што вас хвалюе». І работнікі выказалі, якія пытанні іх непакояць. Гэта: неабходнасць ліўнёвай сістэмы па вуліцы Савецкай у Любані, дрэнная асветленасць у вячэрні час стадыёнаў гарадскіх устаноў адукацыі, несвоечасовы вываз ЦБА ў в. Зялёнкі і іншыя. Усе яны ўзяты прадстаўніком мясцовай улады на заметку для далейшага вырашэння.

Наталья

Вилента


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий