На некаторых аб’ектах сельгаспрадпрыемстваў Любаншчыны вядзецца відэаназіранне

Папярэдзіць факты крадзяжу маёмасці на аб’ектах аграпрамысловага комплексу альбо ўстанавіць асоб, якія маюць дачыненне да супрацьпраўнага дзеяння, дапамагае сістэма відэаназірання.

Устаноўлена яна і ў сельгасарганізацыях Любаншчыны. Так, як расказалі ва ўпраўленні па сельскай гаспадарцы і харчаванні райвыканкама, відэакамеры размешчаны на мехдварах васьмі гаспадарак, складах двух гаспадарак і фермах адной гаспадаркі.

Згодна з аператыўнымі дадзенымі раённага аддзела ўнутраных спраў, у студзені–сакавіку бягучага года на Любаншчыне зарэгістраваны адзін факт крадзяжу з аб’екта аграпрамысловага комплексу. Інцыдэнт меў месца ў адкрытым акцыянерным таварыстве «Юрковічы». Падазраваны ўстаноўлены.

Дарья

Рябцева

Версия для печати

К списку записей раздела>>