Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  Сельское хозяйство
Аксана Уладзіміраўна Іванцова
31 студзеня 2020 года, 15:28

Акцыя «Наш жывёлавод» крочыць па малочнатаварных фермах і комплексах Любаншчыны

31 студзеня  маршрут акцыі па ўшанаванні руплівых работнікаў адной з самых працаёмкіх галін народнагаспадарчага комплесу – сельскай гаспадаркі – пралёг праз фермы і комплексы камунальнага сельскагаспадарчага ўнітарнага прадпрыемства "Эксперыментальная база "Любанская”. Наведалі іх старшыня Любанскай раённай арганізацыі прафсаюза работнікаў аграпрамысловага комплексу Віктар Статкевіч з дырэктарам КСУП Юрыем Цішкевічам і выконваючай абавязкі галоўнага заатэхніка гаспадаркі Сняжанай Кійко.

Найперш па шляху следавання кіраўнікі сустрэліся з калектывам малочна-таварнай фермы “Баянічы”. У пакоі для адпачынку жывёлаводаў адбылася размова з імі падчас якой Віктар Мікалаевіч распавёў пра стан спраў у жывёлагадоўчым комплексе на Любаншчыне, агучыў лепшыя рэзультаты па надоях малака ў раёне і за яго межамі.

У сваю чаргу загадчыца фермы Галіна Навуменка падзялілася дасягненнямі падначаленага ёй калектыву. Па словах Галіны Уладзіміраўны, на баяніцкай ферме вытворчасць малака паступова павялічваюцца і на сённяшні дзень сярэднясутачны ўдой малака на адну карову складае крыху больш за 13 кілаграмаў. Было зазначана, што на гэтым не варта спыняцца, патрэбна пастарацца, каб вытворчасць сыравіны на парадак павялічылася, як і колькасць працаўнікоў-перадавікоў.

На гэты наз віншаванні з пажаданнямі плёну ў рабоце атрымала лепшая аператар машыннага даення кароў МТФ Аксана Іванцова. Аксана Уладзіміраўна працуе ў жывёлагадоўлі больш за два дзесяцігоддзі, вельмі любіць абраную прафесію. Па яе словах, складаючымі поспеху з’яўляецца чысціня ў рабоце з дойным статкам, таму строга захоўвае тэхналагічныя патрабаванні ў доглядзе і, канечне, непасрэдна пры атрыманні малака ў даільнай зале.

Дыплом за плённую шматгадовую працу і падарунак рупліваму аператару ўручыў старшыня райкама прафсаюза В.М. Статкевіч. Прысутныя павіншавалі з узнагародай, раілі поспехаў і надалей.

Пра тое, як адбывалася ўшанаванне перадавікоў на іншых фермах “Э/б “Любанская” чытаце ў наступным нумары раённай газеты “Голас Любаншчыны”, які выйдзе ў свет 7 лютага бягучага года.

Елена РАДКЕВіЧ.

gl_radkevich@tut.by

Фота аўтара.
Елена

Радкевич


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий