Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  Общество  /  Оздоровление
9 верасня 2019 года, 12:34

На Любаншчыне стартавала кампанія па вакцынацыі насельніцтва супраць грыпу

Штогод Любанскай ЦРБ праводзіцца шэраг мерапрыемстваў па падрыхтоўцы да эпідэміялагічнага сезона. Пачата дадзеная работа і сёлета.

Як паказвае практыка, лепш за ўсё рабіць прышчэпку ў верасні-кастрычніку, да пачатку ўздыму захворвання на грып і вострыя рэспіраторныя інфекцыі, зазначыў галоўны ўрач цэнтральнай раённай бальніцы Андрэй Амшарук. 

Пасля чаго на працягу двух-трох тыдняў фарміруецца ахоўны ўзровень супраць вірусаў грыпу, які дзейнічае ад шасці да дванаццаці месяцаў. Наколькі надзейным ён з’яўляецца, залежыць ад многіх фактараў, у тым ліку ўзросту, самаадчування пацыента, індывідуальных асаблівасцей яго арганізма.

У сярэднім, згодна са статыстыкай, з прышчэпленых ста чалавек ад 70 да 90 не хварэюць на грып. А калі кагосьці ўсё ж такі хвароба не міне, то праходзіць у больш лёгкай форме, без ускладненняў.

Такім чынам, самым надзейным спосабам абароны ад віруса грыпу застаецца вакцынацыя. Таму і праводзіцца актыўная імунізацыя насельніцтва. Як распавёў Андрэй Іванавіч, з мэтай прафілактыкі масавых захворванняў, развіцця ўскладненняў ёй неабходна ахапіць не менш за 40 працэнтаў жыхароў раёна, а гэта каля 12 300 любанчан.

За кошт сродкаў рэспубліканскага бюджэту плануецца прышчапіць 3 995 чалавек (13%), мясцовага – 5 838 (19%), уласных грошай грамадзян і арганізацый, прадпрыемстваў – 2 458 (8%).

Звыш 60 заявак на вакцынацыю ў Любанскую ЦРБ ужо паступіла. Заключана больш за 30 дагавораў. Аднак гэтага пакуль недастаткова, каб ахапіць патрэбную колькасць насельніцтва і стварыць, так сказаць, імунную праслойку, якая не дасць распаўсюдзіцца вірусу і прывесці да маштабнай эпідэміі.

Таму кіраўнікі прадпрыемстваў, арганізацый, устаноў павінны паклапаціцца ў самы бліжэйшы час пра заключэнне дагавораў з установай аховы здароўя для правядзення імунізацыі сваіх работнікаў.

Фота з архіву «ГЛ».

 

Наталья

Вилента


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий